曹永廉攜仔女罕現身預祝李琳琳76歲生日 大仔保熙變花美男成焦點

曹永廉與姜大衞大女姜依蘭於2007年結婚，育有一子一女，大仔保熙今年16歲，囡囡曦文亦13歲喇！曹永廉早年有喺社交平台分享一家四口全家福，隨住仔女年紀漸大，佢已鮮有喺社交平台曬仔女近照，姜大衛近日為太太李琳琳預祝76歲生日，女婿曹永廉同阿女姜依蘭亦攜仔女做神秘嘉賓，令孫仔保熙顏值成為焦點。

姜大衛近日為太太李琳琳預祝76歲生日，大曬恩愛！
資深傳媒人汪曼玲喺社交平台貼出生日聚會相，當日佢哋為11月之星李琳琳及黃韻材等慶祝，而曹永廉一家四口以神秘嘉賓出現。相中見一向出晒名係「愛妻號」嘅姜大衞亦有吻賀李琳琳。

女婿曹永廉同阿女姜依蘭亦攜仔女做神秘嘉賓，令孫仔保熙顏值成為焦點。資深傳媒人汪曼玲喺社交平台貼出生日聚會相，當日佢哋為11月之星李琳琳及黃韻材等慶祝。
另一張家庭合照嘅焦點就落喺曹永廉仔女保熙同曦文身上，曹永廉仔女日漸長大已好少曝光，見16歲保熙變成花美男，其顏值更勝老竇曹永廉，更有啲外公姜大衛後生嘅氣質添！
曹永廉仔女日漸長大已好少曝光，見16歲保熙變成花美男，其顏值更勝老竇曹永廉。