拉姑73歲生日四哥同現身慶祝 見強糕又跳又拍手童心未泯

拉姑 狄波拉 10月底踏入73歲生日，近來成為 譚輝智 天字第一號Fans兼歌迷會永遠榮譽會長嘅佢，慶祝活動當然少不了，呢日 陳淑芬 就公開同拉姑慶祝嘅點滴片段，仲見到88歲嘅四哥 謝賢 精神現身，同前妻拉姑飲茶慶祝。

拉姑生日約埋四哥同陳太一齊飲茶慶祝
雖然四哥同拉姑1995年已經離異，不過雙方一直保持良好關係，片段所見陳太、四哥、拉姑同老公鬍鬚Kong同枱甚歡，而之後另一場景亦可見有生日佈置之下，四哥同拉姑一齊擺出心心手勢，拉姑更係笑得非常燦爛。
另一場景又見到佢哋一齊擺心心手勢，笑得非常開心

生日慶祝亦包括其他朋友，好似 劉嘉玲 上山詩納、姜大衞同李琳琳夫婦等，壽星女拉姑見到蛋糕時仲興奮到一直拍手大叫開心，更向鏡頭送飛吻多謝好友安排。

劉嘉玲、上山詩納等亦有到賀

賓客仲包括姜大衞同李琳琳