顏志恒跪求家人演出新歌MV 羅啟豪自爆髮色被染成步驚雲藍原因

顏志恒、羅啟豪與四位應屆港姐倪樂琳、梁嘉莹、楊梓瑤及王汛文呢日現身曲奇義賣活動，幾位落力義賣之餘，仲熱情與fans合照，令現場氣氛相當熱鬧。

幾位應屆港姐同顏志恒仲有羅啟豪一齊參與慈善活動
活動當日正懸掛3號風球，令原本要為新歌MV去戶外景嘅Benson都要改期，不過Benson話好彩之前已經完成咗MV部分嘅拍攝，佢又透露由於新歌講關於family嘅嘢，所以佢自己跪求咗太太同兩個囝囝好耐，希望佢哋喺MV中演出，即使係矇矇地一個鏡頭都好，等佢將來老咗睇返都係一個紀念呀。
Benson推出嘅新歌非常渴望家人出演MV

羅啟豪之前轉造型以挑染藍髮示人，唔少豪殼都對佢呢個新造型大感滿意，不過羅啟豪就話呢個髮色係難有難着，又指當初唔係諗住染成「步驚雲」色，幸好隻色好快甩到變成灰藍色咋。
Ramon呢日落力義賣曲奇籌款

倪樂琳同王汛文過往都有試過為慈善賣旗同做義工，倪樂琳指當年自己賣旗時只係小學6年班，當時嘅佢相當緊張，完全路識叫人買旗，只係識呆咗咁企喺度。而王汛文就指自己大學時曾做義工，去賣零食、小玩具等幫助被棄養嘅小動物，佢仲分享當時一個有趣嘅經歷。

幾位應屆港姐呢日亦一同為慈善出力梁嘉莹早前為媽咪慶祝生日，佢仲大手筆為對方送上銀紙花，又首次以自己嘅人工買禮物畀媽咪，令對方相當感動。