蔡一智指蔡一傑休養中 明年草蜢40周年活動應不受影響

蔡一傑 上月20號突然喺社交平台宣布患有腦瘤，並已完成切除手術，待康復後再會歌迷。蔡一智同太太呢日出席慈善活動，被問到細佬蔡一傑嘅近況時，就透露傑仔休養中，但係已經可以到錄音室錄新歌，而馬來西亞同大灣區等地嘅草蜢巡迴演唱會就會延期。

蔡一智呢日指，早前公開接受腦瘤手術後嘅傑仔已經可以投入錄音

早前傑仔公開病情令外界非常震驚
當初知道細佬患病，身為阿哥當然會擔心，阿智呢日就多謝朋友嘅關心同問候，認為目前最重要係畀傑仔專心休息，佢亦相信唔會影響明年草蜢慶祝成軍40周年嘅活動。阿智又話唔想畀壓力細佬，所以冇問要休息幾耐，仲話傑仔一向「貪靚」，兼且唔想大家擔心，所以細佬一定會等到好靚仔先再復出同大家見面，希望大家俾少少時間傑仔休養。

阿智指傑仔明年應可歸隊參與草蜢40周年嘅活動