楊謹華網上爭執片純為宣傳 曾莞婷因劇情覓起引退念頭

楊謹華 同 謝盈萱 合作嘅新劇喺台北舉行首映會，謝瓊煖、陳庭妮、薛仕凌同詹懷雲等一眾演員出席，而告五人同小男孩樂團都即場獻唱劇集歌曲。早前喺社交平台流傳一條女星爭執嘅偷拍片，而大家發現當中兩位女星係謹華同盈萱，但原來劇集嘅宣傳手法，兩位主角都親自解話，仲分享喺現實中若果遇到又點處理同女星之間嘅矛盾。

楊謹華等一眾女星呢日為新劇宣傳

告五人同小男孩呢日分別演唱劇集歌曲
謹華喺劇中同曾敬驊演母子，佢話喺對方身上學識「鬆馳感」，原來佢發現每日喺片場都幫曾敬驊解答一啲演戲上問題，過程中就忘記咗自己問題，點知就發現每次放工後都輕鬆咗，可能以往太專注喺自己身上，唔識得放鬆。
楊謹華指喺劇中囝囝曾敬驊身上學識放鬆

劇集圍繞女星喺娛樂圈打拼而不為人知一面，曾莞婷就話被當中劇情搞到有引退念頭，仲有場戲令佢拍完喊足三日。

曾莞婷指拍完呢部劇曾有引退嘅念頭