謝盈萱為金馬任評審責任重 詹子萱呻金鐘奪獎翌日即要開工

柯佳嬿、謝盈萱同詹子萱呢日現身台北一個品牌活動，11月23號係金馬獎舉行嘅大日子，上年謝盈萱為典禮擔任主持，而今年就升呢做咗評審，佢話因為要為別人同每一個人負責，要好好睇每一套作品，所以佢覺得做評審嘅責任更為重大。

詹子萱、柯佳嬿同謝盈萱一齊出席服裝活動
今年金馬將會由劉冠廷接棒擔任主持，問到謝盈萱有咩建議畀對方？佢笑住表示相信冠廷一定會做得好棒，而自己只可以為對方加油，笑言主持嘅事情佢幫唔到手，因為佢都要做好自己嘅工作呀。
詹子萱早前勇奪金鐘獎，不過因為緊接開工所以生活如常

詹子萱作為出爐嘅金鐘獎迷你劇集（電視電影）最具潛力新人，佢就表示收到唔少人嘅祝賀，不過自己就冇咩太大感覺，指可能因為當晚慶功宴後第二日又要開工，所以一切好似恢復到最原來嘅生活咁。
被稱為柯仙嘅柯佳嬿呢日分享自己嘅打扮心得

至於同場被網民封為「柯仙」嘅柯佳嬿，就同大家分享自己嘅穿着心得喇。