「白無常」黃瀅仴TVB台慶綵排前遇意外 被鐵線篤穿手睇急症室

11月係19號係TVB台慶大日子，唔少藝人近日瞓身排練表演，黃瀅仴（Verena）接住要為台慶表演綵排，點知佢喺TVB台慶綵排前卻發生意外，突然缺席綵排，原來佢被鐵線篤穿手，要入急症室包紮。

黃瀅仴喺TVB台慶綵排前卻發生家居意外，突然缺席綵排。
曾有「港大校花」之稱嘅黃瀅仴，加入TVB逾3年，之前喺《全城一叮》大騷拉丁舞而成為焦點，跟住喺《直播靈接觸》飾演「白無常」為觀眾認識；黃瀅仴早前先喺社交平台貼出身在急症室嘅相片，指見到傷口爆血，嚇到爆喊！

有「港大校花」之稱嘅黃瀅仴喺《直播靈接觸》飾演「白無常」為觀眾認識。
黃瀅仴事後喺IG稱當日喺屋企唔小心將一條帶勾嘅鐵線穿咗入手指入邊，黃瀅仴又指當時望住自己嘅肉被吊住好PANIC（恐慌），心急之下自己將條鐵線掹返出嚟就爆血，然後佢嚇到喊，因為痛到痹咗。

黃瀅仴被鐵線篤穿手，要入急症室包紮。
黃瀅仴話好彩醫生話傷口唔算深，打咗加強版破傷風針同食抗生素防止發炎，最緊要係隻手指仲可以靈活郁到，佢都擔心會影響台慶嘅鋼琴表演，仲話而家冇事，叫大家唔使擔心。 
黃瀅仴話好彩醫生話傷口唔算深，最緊要係隻手指仲可以靈活郁到。