藝人父母帶子女集體郊遊 家樂抱女玩飛Shiga緊追嗌驚

年輕拍拖周街行、到結咗婚去唔同地方旅行見識，慢慢成為父母之後，就約埋老友比一班小朋友互相認識，將友情繼續延續落去。講嘅係 袁偉豪 張寶兒 呢日約埋 陳家樂 連詩雅 同埋 葉泓聲 陳樂瑤 齊齊出動，帶埋小朋友去郊遊感受下大自然呀。

阿Ben同Bowie日前約埋幾位好友同BB一齊郊遊
話咁快阿Ben同Bowie嘅囝囝袁咕碌今個月就滿1歲，Bowie分享嘅短片一開始就見到，電量無限嘅袁咕碌爬住追屋企嘅貓仔，速度非常快。今次大西北嘅濕地公園之行，仲有陳家樂同Shiga加埋愛女Camila同外婆，而Gordon亦同再次懷孕已經腹大便便嘅太太陳樂榣，加上佢哋嘅囡囡，一行人非常熱鬧。
三對藝人父母帶埋小朋友一齊共聚非常熱鬧

期間Bowie唔止負責掌鏡，仲一直介紹公園可以見到嘅唔同植物同生物，而抱住BB嘅幾位爸爸面上就一直長掛笑容，當家樂飛機抱住Camila急步行時，身後嘅Shiga仲即刻緊張追隨猛嗌驚，非常搞笑。

家樂同阿Ben抱住小朋友四萬咁口，真係有B萬事足