李安稱鄭佩佩活出俠女精髓 原和珍指母親一生無私奉獻

一代俠女鄭佩佩於美國時間7月17日病逝，享年78歲，其摯友江青喺今個月9號為佢於紐約舉行追思會，除咗鄭佩佩四位仔女有到場外，曾同佢合作電影《臥虎藏龍》嘅名導李安亦有現身。
鄭佩佩嘅追思會9號於美國舉行。
追思會上鄭佩佩嘅二女 原和珍Jennifer 代表家人上台致詞，佢指媽媽一生都喺度無私奉獻，即使四個仔女雖然各自在外，但對方都會經常打電話關心各人，而喺鄭佩佩患病嘅最後幾年，雖然受病痛困擾，但佢仍會表示出堅強一面，帶畀身邊人快樂。
鄭佩佩嘅四位子女都有出席。
而稱鄭佩佩做姊姊嘅李安，就指對方喺幕前幕後都充分呈現出「女俠」嘅精髓，幕前嘅佢係一位求正義嘅俠女，係導演心中嘅理想演員；而幕後嘅佢則係一堅强嘅女性，活出中國傳統俠骨柔情嘅俠女個性。李安又分享當年拍攝《卧虎藏龍》時，飾演碧眼狐狸嘅鄭佩佩雖然已年過50，但當對方一旦進入狀態，就會表現得非常好，更畀到人一種親切令人安定嘅力量。

二女 原和珍代表家人上台致詞。
李安亦有出席。
有份出席追思會嘅網民，將當日場內嘅相片post到社交平台，當中有人喺帖文中表達對鄭佩佩嘅懷念：「看過最著名的華夫人和碧眼狐狸的角色，和一整季的花與少年1。在悼念會上也看了很多上個世紀的老電影片段，永遠懷念鄭佩佩。」、「佩佩姐一生捨己為人，值得大家敬重與緬懷，希望她在另一個世界不用再辛苦勞累，好好休息🙏」

李安亦有出席。

李安指鄭佩佩喺幕前幕後都係一位俠女。

李安同大家分享與鄭佩佩嘅點滴。