Grand住去大阪｜C君6號回味大阪極嘆之旅 包機變空姐廣播圓心願

C君 陸浩明 同 高海寧 主持嘅台慶綜藝《Grand住去大阪》星期六起播出，呢日有份去當地方大嘆特嘆嘅C君同6號，就率先分享此行嘅感受喇。而呢次尊貴之旅同廣告客戶齊齊包機去玩，就同平時去旅行有好大分別，C君仲話最特別就係同6號喺航班開咪同大家分享講兩句玩遊戲喇。

呢日記者會C君同6號分享呢次行程嘅難忘之處
喺當地食咗唔少珍味嘅佢哋，仲話食過返唔到轉頭，亦有機會到訪平時難以公開拍攝嘅店鋪，所以非常難忘呀。不過6號同高Ling齊齊做Spa，就令佢非常焦慮，雖然事前做足準備，不過C君亦坩言毫無幫助，仲話聽聞因為影響畫面美感，已經被全部剪走喇。

因為包機出發，C君仲一嘗空姐廣播嘅滋味

佢哋話行程去到好多平時難以一探嘅地方