高海寧拍到邊瞓到邊神乎其技 瞓到擘大口歡迎打卡留念

高海寧（高Ling）演技好眾所周知，原來佢仲有一項技能，同佢嘅演技一樣爐火純青，就係「瞓」！三秒鐘落淚都勁，高Ling卻示範零秒鐘瞓着呢個高招，最勁嘅地方仲要係「拍到邊瞓到邊」。高Ling今日喺IG post寫到「鐵人Ling的最強技能『拍到邊瞓到邊』，耳塞一戴，這個世界就與我無關，歡迎打卡留念」。

高Ling喺IG post自己最強技能「拍到邊瞓到邊」！
相中見到高Ling拋低女神包袱，展現各種睡姿，瞓覺地點更加係包羅萬有，有酒店房、有車、有化妝間、有片場，無論著住華麗晚裝，或者拍戲嘅病人服，高Ling都輕鬆照瞓，甚至連gel甲都可以瞓住gel，隨處瞓覺嘅功力簡直可以話係出神入化，仲包括瞓到擘大個口嘅自黑相，睇嚟高Ling為咗瞓覺真係可以不顧形象。而啱啱同高Ling拍完《Grand住去大阪》嘅陸浩明都留言認證，喺大阪親眼見識過高Ling嘅瞓覺功力。

相中見到高Ling拋低女神包袱，展現各種睡姿。
話藝人工作無定時，可以隨時隨地補眠，養足精神再投入工作，難怪高Ling無論幾時喺鏡頭前都明艷照人啦！

高Ling為咗瞓覺真係可以不顧形象。高Ling隨時隨地補眠，養足精神再投入工作。高Ling笑指耳塞一戴，這個世界就與自己無關。高Ling熟睡瞓到擘大個口。高Ling拍《Grand住去大阪》亦有顯露瞓覺功力。