直播靈接觸｜袁鳳瑛自爆能睹前世曾患乳癌 關寶慧客席主持與思浩舌劍唇槍

星期二晚一集《直播靈接觸》邀請咗關寶慧擔任客席主持，而資深歌手 袁鳳瑛 就擔任嘉賓，同大家分享自己自細已經經歷嘅唔同奇異故事。呢晚佢除咗指自己年幼已經可以睇到自己前世之外，亦爆出十年前曾經患乳癌，自己靠修行續命咁話。

袁鳳英節目中分享佢嘅靈異經歷
佢接受訪問時，就提到自細已經經常感受到異世界，不過因年幼已為小朋友都會有相同感受而未特別注意。
呢日仲爆出10年前曾患有乳癌

關寶慧未來一個月都會頂替休假嘅 黃耀英 出任客席主持，佢同多年老友思浩老友鬼鬼，大家不時你一言我一語互串，令節目更有氣氛。佢仲話非常掛念過往拍劇嘅經歷，如果收到邀請隨時都可以重返幕前呀。
關寶慧會暫時頂替放假嘅黃耀英任客席主持

而佢同 黃日華 之間嘅烏龍緋聞傳極都唔停，呢日講起感情話題，佢就話努力都冇用。而思浩就大爆 江美儀 會經交友App識朋友，叫佢可以請教對方呀。

思浩呢日仲獻計希望幫佢杜絕佢同黃日華之間嘅緋聞