舒淇孖閨蜜撇甩老公組日本之旅 與林心如林熙蕾索爆合體

舒淇、林心如同林熙蕾三位女神閨蜜，雖然唔係成日見面，但私下一直係好知己、好朋友，熙蕾更經常稱呼舒淇嘅老公馮德倫為「老公嘅老公」，意味同舒淇關係親如家人。雖然三姊妹從認識至今由少女變成人妻，各自為人生及事業奔波，但時間變情未變，只要一有空檔就會抽時間相聚，近日三位閨蜜就各自撇甩老公，一齊同遊日本吃喝玩樂，出發前舒淇都有公開自己去旅行消息，展開舒淇所講嘅「好久不見之林家女孩150之旅。」

三位女神撇低老公去日本旅行。舒淇同林熙蕾、林心如。

三位女神年紀雖然邁向奔五，但睇落真係一啲都唔似，索爆嘅佢哋拍攝旅行短片時，更以便服、素顏上陣，佢哋一齊食雪糕行街，享受美食同靚景，喺景點前又大擺甫士打卡，盡情享受旅程。除咗外出嘅行程之外，又公開閨蜜床照，見到身穿睡衣嘅三位，由舒淇操刀下拍攝住瞓喺床上嘅心如同熙蕾，好明顯係準備展開閨蜜之談。
三位女神年紀睇落完全唔似將邁向奔五。
重溫呢條短片時，熙蕾不禁留言：「好開心，謝謝老公﹗」來回應舒淇，做指舒淇安排行貼心。而近日憑住新劇《影后》成為熱話嘅楊謹華都大讚三位女神好可愛。亦有人留言話大明星拍照時都跟常人擺的姿勢一樣，好鍾意三位姐姐們。

舒淇為兩位閨密操刀影相。三位喺日本食好西。