中年好聲音3｜息影藝人森林Rap許冠傑金曲出戰 何家豪帶已故愛女結他上場彈奏

《中年好聲音3》今個星期日播出香港區100強最後一場初賽，年屆65歲嘅森林將會出場，佢唔止係再度參賽，亦係歌手林師傑嘅爸爸，仲係一位息影藝人，佢同太太都係1982年TVB第11期藝員訓練班學員，同梁朝偉、周星馳係同班同學。森林以許冠傑嘅金曲《天才與白痴》出戰，仲加入Rap部分令大家相當驚喜，不過森林就笑指自己可能年紀大，Rap得唔係太暢順。
森林係梁朝偉、周星馳嘅藝員訓練班同班同學。
喺海選時何家豪公開參賽原因，係為咗實現年頭離世8歲女兒桃桃未完嘅夢，呢日首出戰佢都帶住桃桃嘅小結他上陣，參賽希望鼓勵仲未走出陰霾嘅太太，何家豪以《怎麼捨得你》出戰，佢話自己同囡囡思想都好正面，想透過比賽令太太度過難關。

何家豪帶埋已故愛女結氣出戰。
呢場比賽亦見到唔少熟識面孔，包括玩過跳舞比賽，又拍過真人騷嘅李創偉、多年前參加《超級巨聲》嘅陳國靖等，陳國靖嚟到中聲第三季終於的起心肝，重返歌唱比賽舞台。陳國靖喺眾多評審之中，最驚係伍仲衡，若果可以喺佢手上攞到燈會好開心。
李創偉