姜皓文首度投資開拍賀歲片 宣萱 陳靜享受寓工作於娛樂

由姜皓文擔任出品人以及投資人，仲親自出演男主角嘅賀歲片喺馬來西亞開鏡，呢次黑仔唔只請到宣萱、陳靜出演，更夫妻檔上陣，有老婆殷寧親自操刀寫劇本。不過最估唔到係，原來呢次係宣萱首次拍賀歲片，所以佢都好多謝有黑仔照顧，令佢可以做嘢之餘又品嚐到當地美食。
 

宣萱首次拍賀歲片。
至於喺大馬完成工作冇耐，又再重返當地拍新戲嘅Dada就話，馬來西亞人熱情又樂於助人，加上之前認識咗一啲當地朋友，所以呢次再嚟開工都可以同朋友周圍飲飲食食。而黑仔就話，呢次喺大馬拍戲，又有香港演員加入，當中嘅化學反應好有趣。