吳業坤孖伍富橋再挑戰行山賽 釗峰重遇尼泊爾老闆娘感不思議

吳業坤（坤哥）最近忙於鍛鍊體能，為夥拍伍富橋(Alvin)再組隊參加毅行者而努力，亦忙於宣傳最新推出嘅日系三部曲最終回《遠花火》。坤哥呢次大膽挑戰自己，選擇有別不同以往抒情及溫柔唱法，挑戰成熟及韻律感較重嘅曲風。坤哥希望新歌可以呈現一個人享受自己寂靜時刻嘅晚上，希望傳達一種遠離煩囂，不問世事嘅感覺，亦希望大家可以透過呢啲畫面及感覺，引起共鳴。

坤哥最近忙住宣傳日系三部曲最終回《遠花火》。
而喺15號，坤哥同Alvin組隊嘅「Peace of Cake」就喺今早起步參與毅行者加100公里賽事，作為「星級毅行者」之一嘅二人仲喺出發前提早2個鐘到達現場。Alvin透露，其中一位隊友臨陣「甩底」，佢地要臨時拉夫邀請一位有經驗嘅朋友頂上，他話新隊友經驗十足，反而擔心自己跑得太慢，影響隊友發揮。
 Alvin同坤哥組成「Peace of Cake」隊。
佢哋參與毅行者加100公里賽事。

比賽前夕撞正天氣不佳打風又落雨，令坤哥都有些少擔心天雨路滑，路會比較難行，所以都希望一切順利，無損傷完成賽事，唔會影響之後嘅演唱會同新歌宣傳，加上佢星期日要參加機場三跑10公里賽，所以都希望可以喺28小時內完成賽事，令佢有足夠時間領取選手包。
 比賽前夕撞正天氣不佳打風又落雨。
至於「樂施大使」嘅梁釗峰呢次亦力邀藝人米露迪（米媽）參加，組隊「食山菜」參與特設40公里賽事。釗峰喺今年6月就跟隨慈善組織到尼泊爾偏遠山區探訪，深入了解當地人民所面對嘅生活困境。事隔半年，尼泊爾村民組隊來港參加今次毅行者，雙方喺北潭涌登記出賽時相遇更隨即擁，場面溫馨。
 釗峰
釗峰指有份參賽嘅Anjali Bohara係尼泊爾一間士多嘅老闆娘，事隔近半年再重聚，都令釗峰感覺不可思議，佢又笑言當日到尼泊爾士多做一日店長時，完全係「倒米」，如今可以喺香港重逢真係難以置信。
釗峰同當年喺尼泊爾認識嘅士多老闆娘。
而Anjali則指釗峰同自己都係個頑皮嘅人，大家性格不謀而合，佢又感謝釗峰到尼泊爾偏遠山區探訪，為有需要嘅弱勢社群出一分力。Anjali表示喺尼泊爾已經聽聞釗峰係名人，但嚟到香港後先真正感受到對方真係大明星，所以都感到好驚奇。今次亦係Anjali第一次嚟香港旅遊，對香港印象感覺良好。