StarTalk一氣呵成版丨方皓玫親解暴瘦起因 分享為冼靖峰創作新歌原因

方皓玟 年初已經表示希望今年可以推出5首歌，但當實行時佢就話原來係要好用力去推行，因為每當完成一首歌，就要緊接去做下一首作品，當中又有會一啲拍攝連接住，難怪小明話今年係非常忙碌嘅一年。

小明近來新作一改以往風格
主持 許文軒 笑言樂壇新人剛出道時，喺音樂上嘅生產力會較強，小明笑言自己都有回到初出道時拼搏嘅感覺，佢又指未來依然會每年推出5首新歌，因為佢話自己真係好鍾意做歌手，所以亦向自己承諾，即使再忙都唔可以忘記做音樂。小明指自己嘅目標係做多啲儲多啲唔同類型、風格嘅歌曲，同時喺嘗試新曲風時，可以令自己喺音樂路上行得更濶，從而令開騷時有更多歌可以選擇。
接連兩首新歌都不約而同以Haters為主題

今年連推兩首節拍輕快強勁嘅《我唔理啦》及《痴根鐵粉》，難免令人猜測小明係咪想轉型做跳唱歌手，不過小明就話自己係基於「試新嘢」嘅原則下先決定挑戰自己嘅弱項，當問到佢練咗幾耐先夠膽拎出嚟畀大家睇？小明即刻話其實自己到而家都唔夠膽，但佢依然拎出嚟畀大家睇。
新歌仲有唔少舞步要勤力練習

新歌MV搵嚟Dear Jane主音Tim執導，Tim曾經幫唔少歌手執導過MV，但原來小明最初並唔知對方係一個知名嘅導演，仲分享咗當初搵對方執導嘅原因。
兩首歌曲雖然由兩位唔同嘅填詞人填詞，但主題都出奇相近，都係以Haters作為題材。小明就指自己對待Haters嘅方法係冷處理，當中更提到早前被傳與冼靖峰拍拖嘅緋聞。
早前佢現身TVB引來唔少議論

小明早前被指突然暴瘦，令人擔心其健康狀況，對此小明坦言方媽媽亦有因此而擔心，仲開聲希望佢可以食返肥啲，小明就話為免令媽媽擔心，自己都有聽話，將90磅嘅體重追多8磅，所以方媽媽對小明而家98磅嘅體重就表示OK合格。提到當初突然暴瘦原因，小明就話自己本身唔係易肥體質，加上早前迷上追求瘦削身型，當見到自己嘅腹肌、背肌時就會感到開心愉悅，所以先會有呢個身形。
一度暴瘦令外界都擔心佢情況

今年主要都係唱別人創作嘅歌曲，對此小明表示如果唔係自己拿手創作嘅快歌，佢寧願收別人創作嘅；反而小明自己創作嘅歌曲《勇氣》，就成為咗冼靖峰嘅新歌，對此小明都有講點解會為對方創作呢首歌。

佢亦認為同Archie嘅緋聞無需在意