袁偉豪 陳曉華新馬推介精彩節目 張振朗角逐亞洲影藝創意大獎感榮幸

袁偉豪 張振朗 陳曉華 先後現身新加坡同馬來西亞，出席《TVBI節目巡禮2025》，為當地客戶揭曉來年TVB將推出嘅精彩劇集同多元化綜藝節目，《中年好聲音3》嘅大馬選手劉傳民、王鄭浚仁以及聲夢歌手梁宸語同陳泓升都有出席活動。難得見到偶像到訪，大馬粉絲都向振朗、阿Ben以及Hera準備心意禮物，Hera更收到最鍾意嘅太陽花。

Owen、Hera同阿Ben早前到新馬兩地宣傳
振朗憑劇集《反黑英雄》嘅徐國賢一向獲提名新加坡《亞洲影藝創意大獎》嘅「最佳男主角奬」，講到獲獎信心，振朗覺得能夠同吳慷仁、泰國影星Bright入圍已經好開心，若果能夠再次喺新加坡獲獎會好特別，因為自己第一次獲獎就係喺新加坡。

佢哋為大家獻唱之餘，亦同時介紹TVB未來嘅新節目
《中聲》同《聲夢》嘅大馬歌手亦有一同參與

除咗出席節目巡禮外，七位藝人喺馬來西亞搞見面會同粉絲見面，佢哋先後上台獻唱，四位大馬歌手仲好開心見到有香港粉絲親赴當地捧場。