萬千星輝賀台慶丨序幕AI技術重現汪明荃當年 以假亂真替身身份揭盅

《萬千星輝賀台慶》今晚舉行，57周年台慶一開始就以AI技術重現入行多年嘅 汪明荃 ，當年加入TVB首日返工嘅情況，仲有唔少同TVB一同走過無數光影燦爛嘅時刻，幾可亂真嘅情況，道出TVB由「五台山」年代發展到清水灣電視城，繼而於將軍澳發展電視廣播城嘅多年發展。

AI年青版阿姐當年搭車返TVB，是為今年台慶序幕

廣播道首代TVB總台亦出現於片段

日月流轉，如今TVB電視廣播城已於將軍澳多年
汪阿姐同TVB仲有各位同事一同走過超越半世紀，而呢次扮演年青阿姐替身嘅，其實就係選美入行同時係最年輕視后得主 蔡思貝 。當日Sisley亦一直翻睇阿姐嘅舊作，以求模仿程度更像真，佢仲認為阿姐既剛強又溫柔，非常能代表女性呀。
AI「阿姐」真身其實係蔡思貝

呢日懷舊60年代造型現身嘅Sisley，亦覺得非常有趣，仲認為好似真係重返當時一樣呀。