龔嘉欣孖譚凱琪姊妹裝做生招牌 孖妹Look系列動作散發女性魅力

龔嘉欣（Katy）同譚凱琪（Zoie）係圈中好朋友，姊妹感情深厚，早前二人合作開創自家服裝品牌進軍商界發展，仲自己做生招牌宣傳，順便節省啲宣傳費。嘉欣同Zoie雖然年紀有啲差距，但睇起嚟就一啲都唔覺，而且兩人身形差唔多，所以當佢哋著起同一款衫時，感覺就好似孖妹一樣。

龔嘉欣同譚凱琪合作開創自家服裝品牌進軍商界發展。
嘉欣同Zoie一齊著黑色連身裙拍短片，仲擺出多個唔同嘅Pose推銷姊妹裝，又巧妙地話「原來一齊着起自家品牌係咁矚目，嗰日街上嘅人係咁望住我哋，究竟係條裙靚？我哋靚？定係...兩樣都靚？」兩人為咗生意絞盡腦汁宣傳。

龔嘉欣同譚凱琪著起同一款衫時，感覺就好似孖妹一樣。
其實嘉欣對做生意早有經驗，除咗演藝事業起飛之際，早年專登學整餅親力親為開蛋糕店，成功擴展工作範疇，至今已經有四間分店，近日再孖好友譚凱琪搞時裝生意，密密搵錢，早已被譽為TVB小富婆。
其實龔嘉欣對做生意早有經驗，密密搵錢，早已被譽為TVB小富婆。