陳慧嫻1月紅館慶祝出道40年 力邀年青歌手任嘉賓同台演出

陳慧嫻 明年1月將時隔9年再次踏上紅館展開新一次個唱，亦係佢出道40周年嘅紀念演唱會，呢日Priscilla現身宣傳時，就指屆時將會以靚衫同年青嘉賓參與，其中一個目標仲係最近為自己作新歌嘅 AGA ，邀請名單仲包括 TWINS 同其他小鮮肉呀。

陳慧嫻宣佈明年1月會於紅館舉辦演唱會
佢仲話完成呢日嘅宣傳之後，隨即開始閉關練歌同練舞狀態，仲話目標要減20磅應付演出，Priscilla又笑言並非為性感打扮出現。過往曾邀請唔少舉足輕重歌手朋友參與幫手嘅佢，又坦言過往已經多次麻煩大家，所以今次會從詳計議先作決定喎。
佢又提到會邀請唔同年輕歌手擔任嘉賓

佢另一位好朋友 蔡一傑 早前公開腦部有腫瘤而需開刀治療，Priscilla就話知道傑仔正在休養，知道佢情況良好，大家唔使擔心，相信傑仔好快會再見大家見面咁話。