阿Sa過生日獲靚仔拉跳舞送上美臀任打 阿嬌率全場唱生日歌祝賀

Twins最近忙於北美巡演，剛完成溫哥華站，適逢蔡卓妍（阿Sa）生日，由香港機場出發就已經開始收蛋糕，而鍾欣潼（阿嬌）喺演唱會現場又同全場歌迷一齊唱生日歌送畀阿Sa，工作大隊又為阿Sa慶祝，溫哥華嘅家人朋友又一齊食生日飯，阿Sa收到嘅驚喜一浪接一浪。 

Twins份外珍惜每一刻相聚，皆因佢哋真係唔知幾時會再做咁長時間巡演啦。
Twins去到多倫多尼瓜拉瓜大瀑布，正係22號阿Sa生日正日，大隊一齊去日本餐廳慶祝，阿Sa今年踏入42歲，工作人員將插喺蛋糕上嘅數字改為「24」，阿Sa樂觀面對年齡增長，把蠟燭調番轉：「你睇吓我個人幾誠實！哈哈。人係會長大，假如今日我停留係24，大家就再見唔到我啦。我極度開心自己一年大一歲，證明我健健康康快快樂樂咁活著，好好享受生命每一刻。」而日本餐廳嘅服務員重好熱情，主動為阿Sa跳舞助興，仲有靚仔叫阿Sa拍佢pat pat ，又想拉佢跳舞，嚇到阿Sa狂笑不止，十分搞笑！ 

日本餐廳嘅服務員重好熱情，主動為阿Sa跳舞助興。
對於今次巡演Twins異口同聲表示覺得份外非常珍貴：「因為真係唔知幾時會再做咁長時間巡演啦，6 場成個tour差唔到走20多日，年紀越大就越覺得張學友，劉德華佢哋好勁，六十幾歲仲唱成百場，我哋兩個六十幾歲嗰年都唔知會點啦，歌迷都或者湊孫唔得閒理我哋啦，所以好期待今次每一站見到唔同地方嘅歌迷，好珍惜每一刻相聚。」 

壽星阿Sa笑指由香港機場到而家已吹咗7個蛋糕，有啲係歌迷親手整、有啲係朋友送。
壽星阿Sa笑指由香港機場到而家已吹咗7個蛋糕，有啲係歌迷親手整、有啲係朋友送。今年生日因時差關係有兩日生日。阿Sa感恩自己今年做咗好多嘢，雖然好忙，但係好充實，希望工作之餘，仲可以去多啲旅行，「Work hard, play harder」，亦多謝大家嘅生日祝福。

阿Sa感恩自己今年做咗好多嘢，雖然好忙，但係好充實。
TWiNS SPIRIT演唱會一直以嚟係四面台，到溫哥華開始變身三面台，阿Sa同阿嬌仲未習慣，所以經常有蝦碌事發生，例如走錯位、行錯方向等，場面非常搞笑。溫哥華站兩人落台跟觀眾握手，更引起全場瘋狂，群情洶湧，阿嬌準備返舞台嗰陣，行經Panel附近無法前進，結果只有上咗Panel度坐咗一陣，阿嬌突發叫大家一齊唱生日歌慶祝阿Sa生日，阿Sa喺台上笑言：「點解你喺嗰度唱嘅？哈哈。」

TWiNS SPIRIT演唱會一直以嚟係四面台，到溫哥華開始變身三面台，阿Sa同阿嬌仲未習慣，所以經常有蝦碌事發生。