波波台慶晚裝視覺效果震撼 唔理腳傷踏7吋高踭上台照跳舞

波波 黃婧靈 近日參與新一輯《冲遊泰國》，為大家介紹唔同酒店同水上玩樂設施，不過可能大家都會被佢嘅導彈級身材吸引，令注意力轉移。一向身材出眾嘅波波唔吝惜以唔同泳裝上陣介紹，而日前嘅台慶，佢亦盛裝打扮參與，一身喱士超低胸晚裝吸引唔少注視。

波波台慶當晚嘅打扮唔止超低胸，睇落更似係有透視效果

早前佢參與新一輯《冲遊泰國》介紹唔同好玩地點

當時已狂換唔同泳裝上陣，非常養眼
波波嘅白色晚裝遠觀宛如只靠喱士上嘅繡花遮蔽重要部位，加上極低胸設計更突出佢嘅澎湃身材。當晚佢亦同其他女藝員同事齊齊狂跳勁舞，大曬一眾靚女嘅呵娜多姿女人味，不過其實波波腳傷未癒，鏡頭外仲要其他協助扶住先可以周圍走，但係為靚仲竟然腳踏足足7吋高嘅Platform現身紅地氈，難怪佢都話自己係花式玩命，以後可以改個勁啲嘅花名做喪波喇。

但係台慶前波波原來腳傷，不過仍死頂上陣

見佢踏上超誇高踭鞋，右腳仲需要包紮

當晚仲同其他女藝員齊齊勁舞演出，認真犀利