聲夢組媽姐姐蛻變成索女 台慶大騷美腿吉吉大膽咁笑人

潘靜文 自《聲夢傳奇》出道後，有幼童教育背景嘅佢瞬即獲安排加入《Hands Up》主持，成為小朋友眼中嘅Sherman姐姐，形象親和又有愛心。隨後Sherman亦加入《J Music》擔任主持，去年亦推出首支個人單曲《永遠潘朵拉》，今年初就推出《傷魚座》，由愛笑嘅少女變成多愁善感嘅初熟女人。

潘靜文台慶夜以一身黑色晚裝大騷長腿
近日嘅台慶各位女星都爭妍鬥麗奇招盡出，而Sherman則選擇另一方式現身，有172cm修長身形嘅佢，就決定大騷修長美腿，毫不吝嗇大曬白皙肌膚，加上晚裝嘅露背設計，就令平時少女感十足嘅Sherman煥發住性感魅力喇。
仲同時大露背，打扮性感又優雅

不過社交平台嘅留言當中，就見到多嘴仔 周吉佩 竟然笑Sherman係「國腳」，真係唔知佢真心定講反話喇，而Sherman過去兩首單曲都係苦情少女心事，往後唔知又會唔會考慮將形象同曲風都考慮好似今次台慶打扮咁變得更成熟誘人呢？

吉吉留言國腳但係又有個Like，到底係咪讚美呢？

身為《J Music》主持嘅Sherman有機會訪問唔同歌手學習

過去兩首單曲都係苦情少女

喺《青春本我》扮演「張雪文」