曹敏寶出新歌獲甩拖朱智賢撐場 曾陷人生低谷感激劉可送暖

《中年好聲音》選手曹敏寶（Mable）相隔8年再出新歌，呢日佢喺新歌發佈會上，曹敏寶老公及仔女亦有現身撐場兼送花，好友朱智賢都有到場支持。朱朱早前宣布同謝東閔分手，見朱朱呢日心情大靚，似乎未受分手一事影響心情。

曹敏寶呢日舉行新歌發佈會，涂家堯同劉可都有支持

曹敏寶即場獻唱新歌《未結束的故事》，希望藉歌曲發放正能量，而《中聲》好友劉可及涂家堯更上台跟曹敏寶合唱，更分享彼此之間嘅往事。
仲有一大班Fans現身參與

曹敏寶感激好友劉可喺人生低谷時期送上安慰，讚劉可用真心對朋友。涂家堯笑指曹敏寶呢日又笑又喊好似傻咗咁，但係佢知曹敏寶好需要呢份支持。

老公子女，仲有最近甩拖嘅老友朱智賢亦都力撐