張馳豪計劃開啟甜蜜暴擊音樂企劃 甄濟如為新歌苦練廣東話

張馳豪嘅新歌《宇宙逃生口》推出後獲得唔少好評，Aska呢日同甄濟如Jasmine一齊作客電台節目時，就預告首歌好快會有一個新版本，而呢個版本就係佢Demo最原裝嘅英文歌詞版，而呢個版本會比原版更chill呀。

Aska透露《宇宙逃生口》將推出英文版
講到未來嘅音樂企劃，Aska表示希望明年或者將來一年，做一個全年都係好sweet嘅系列，佢又指早前拍攝時，因為成個環境都好emo，令當時彈緊結他嘅佢即時靈感爆發，隨後Aska仲就住呢段旋律創作咗一首新歌。
呢日佢同甄濟如一齊接受電台訪問

Jasmine嘅新歌《次次》同樣有兩個版本，佢就話當中嘅中文版本就考起自己，因為廣東話同英文嘅唱法係完全唔同，所以自己練習咬字時都花咗唔少功夫，唔少朋友聽完都讚佢廣東話叻咗。
Jasmine嘅歌曲一樣有中英兩個版本，佢仲話廣東歌詞咬字花咗唔少功夫

今次新歌MV搵嚟龔慈恩細仔林卓毅（Addison）做男主角，原來Jasmine私底下同對方家姐林愷鈴好friend，不過自己就係第一次同Addison見面，Jasmine大讚對方相當nice呀。