TVB長期服務獎2024丨陳自瑤效力廿年感激錢國偉提拔 鍾志光奪傑出員工榮譽大獎

電視廣播有限公司行政主席許濤 率領高級行政人員出席《TVB長期服務暨傑出員工榮譽大獎頒獎禮2024》，今年榮獲長期服務獎嘅職、藝員同事合共179人，為咗表揚佢哋忠誠服務，分別獲贈足金擺件或紀念金牌。

179名職、藝員今日獲頒發長期服務獎

藝員部嘅黃麗芳服務TVB逾半世紀
盧婉茵、王綺琴、冼灝英、衛志豪及阮兒等藝員同事獲「10年服務獎」；陳自瑤、胡蓓蔚、配音員黃啟昌、李致林及張頌欣獲「20年服務獎」；安德尊及林敬剛等藝員同事獲「30年服務獎」；資深演員曾慧雲獲「40年服務獎」。
多位藝員亦獲嘉許多年來為TVB嘅貢獻

陳自瑤同胡蓓蔚效力公司20年，二人非常興奮，陳自瑤好感激伯樂錢國偉提拔，當年帶佢入TVB拍《四葉草》，咁就喺公司服務20年，特別多謝呢位伯樂，而胡蓓蔚最難忘當年做《勁歌金曲》每日趕返工，除咗做主持，仲有機會同歌手一齊唱歌。
Yoyo同豹嫂原來都已任職廿年喇

資深演員曾慧雲獲「40年服務獎」，安德尊及林敬剛獲「30年服務獎」，安德尊（大王）簡單分享得獎感受，大王感恩公司令佢人生更豐盛，鍾志光（鍾Sir）呢日奪得傑出員工榮譽大獎，鍾Sir就話得到大家愛戴，感到好興奮，之後繼續以平常心工作。

鍾Sir叫得「萬能鍾」，呢日就獲頒傑出員工榮譽大獎喇