StarTalk｜楝篤笑出身Jimmy參演串流新劇 移美廿多年深受星爺子華影響

喺網上不時會見到 Jimmy O.Yang 歐陽萬成 以楝篤笑形式講述亞洲人喺美國生活遇到嘅文化衝擊，內容直接抵死毫無修飾亦令Jimmy大受歡迎，於香港出世到少年時代先同家人移居美國嘅佢，近日就為串流平台拍攝以唐人街為背景嘅劇集，可能唔少人會認為又係嗰種故有印象，不過Jimmy擺脫笑星參與動作懸疑演出，網上就早已吸引唔少人討論喇。

Jimmy過往嘅楝篤笑片段於網上廣為流傳
雖然已經喺美國生活廿幾年，不過Jimmy接受 王鎮泉 《StarTalk》專訪時，廣東話就依舊流利如初，亦全程以廣東話暢所欲言。
近日佢為新劇宣傳，全程以廣東話分享拍攝感受

一開首就指動作片係一大難題嘅Jimmy話，動作打鬥戲拍到自己筋疲力盡，加上又有搞笑劇情元素，直言拍到「腳仔軟」，過往單打獨鬥台上楝篤笑已令觀眾笑個不停嘅佢，仲指劇中要打鬥、要搞笑亦有情緒戲份，更有唔少廣東話或國語對白，不過因為屋企要講上海話同國語廣東話，自然就難佢唔到喇。
劇中除咗佢最拿手嘅搞笑之外，仲加入動作同其他元素

身在彼邦遇到同鄉自然特別開心，Jimmy就指早前嘅Talk騷遇到MC Jin到場欣賞、而同 吳彥祖 見面時雙方亦以廣東話溝通，親切程度亦大增。
香港出世嘅Jimmy指，事業發展深受星爺同子華影響

講起佢嘅強項楝篤笑，Jimmy就直指係受 黃子華 極深影響，佢話「鬚根Show」就令自己非常深刻，加上周星馳嘅無數經典搞笑片，就促成自己發展喜劇搞笑事業發展，仲話希望有機會喺出生地香港開騷呀。

佢仲話希望未來有機會返香港為大家演出