姚子羚44歲生日獲胡定欣準備食材 胡杏兒捐出愛心飯盒給長者作禮物

姚子羚（Elaine）日前剛剛度過44歲生日，人緣甚好嘅姚子羚獲一眾親朋好友為佢慶祝生日，當然唔少得佢嘅胡說八道好姊妹，姚子羚今日喺社交平台貼出合照，原來佢哋約埋食生日飯，壽星女亦好珍惜彼此每一個相聚時刻。

人緣甚好嘅姚子羚獲一眾親朋好友為佢慶祝生日，當然唔少得佢嘅胡說八道好姊妹。
胡杏兒、黃智雯、胡定欣及胡蓓蔚陪姚子羚過生日，令壽星女非常感動，姚子羚留言向每位姊妹送上感謝：「珍惜我們的每一個相聚時刻💕 謝謝Nan一早去菜市場買菜為我準備hotpot🍲 謝謝老豹同wong chi man送上鮮花💐 謝謝Myo這麼有心捐出愛心飯盒，給長者作為我的生日禮物🍱 謝謝妳們和妳們的愛人😌 大家也要一生幸福呀❤️」

壽星女非常感動，姚子羚留言向每位姊妹送上感謝。
定欣除咗買菜準備火鍋，知道姚子羚堅持多年茹素，平日食大量蔬菜，佢都買埋水果，胡定欣笑指：「見到抽提子，就知道我哋幾有誠意。」

壽星女姚子羚許願！