DJ梁文禮揭欣宜行蹤被指刷流量 陳楨怡性感尺度遮到重要部位

陳楨怡Celina、雷莊𠒇Juliette、林鈺洧Denice、蔡一鳳等現身一個時裝騷，有份行Catwalk嘅Celina ，呢次係繼節目《剪裁魔法師》後，再有機會著上設計師Kev Yiu姚子裕嘅服裝，展示佢性感又美好嘅身段，仲話只要有美感夠靚，遮到重要部位就係佢嘅尺度。而Kev Yiu就大讚Celina身形Fit到爆，即使著個麻包袋上身都一樣咁靚咁突出。
Kev Yiu 與 陳楨怡一同出席活動。
同場仲有DJ梁文禮，日前佢喺社交平台發文透露神隱一段時間鄭欣宜Joyce行蹤，雖然有人話佢此舉係為咗刷流量，不過梁文禮就作出澄清指自己喺社交平台講件事出嚟，係因為同大家一樣好掛住欣宜，並唔係刷流量同抽水，仲話對上一次見欣宜已經係3月佢開騷時，當日見欣宜精神狀態好好，所以先衝口而出問佢幾時復出，佢話要俾啲時間佢，大家純粹咁樣傾咗幾句。
DJ梁文禮