郭可盈開心慶祝55歲生日 獲老公林文龍同愛女獻吻賀壽

郭可盈日前11月27號生日正日，就同老公林文龍夫妻檔出席活動，仲預告活動結束後會一家三口食飯慶祝，可盈就喺社交平台post咗同老公以及14歲囡囡嘅慶祝生日相，全家係高顏值非常省鏡。

郭可盈喺社交平台post同老公以及14歲囡囡嘅慶祝生日相。
相中見到佢哋揀咗一間可以欣賞維港夜景嘅餐廳，枱面有一大束鮮花，相信係林文龍送畀老婆嘅心意，而蛋糕係趣緻嘅大小壽包造型。老公同囡囡一左一右，齊齊獻吻賀壽，相信可盈一定甜在心。

全家係高顏值非常省鏡！
大批網民除咗祝可盈生日快樂，仲大讚55歲嘅佢保養得宜，仲有好多人許願希望見到可盈復出拍劇，而可盈之前出席活動亦大方表示唔抗拒復出，最緊要有適合嘅劇本，其實可盈一家三口都咁高顏值，如果可以齊齊上鏡拍劇或者拍廣告，一定非常吸睛呀！

好多人許願希望見到可盈復出拍劇，而可盈之前出席活動亦大方表示唔抗拒復出。