梁文禮透露鄭欣宜最近狀態 網民擔心為其造成壓力

雖然鄭欣宜Joyce停工一年半，就連社交平台亦甚少有更新，仍有不少歌迷期待佢回歸樂壇。噚日商台DJ梁文禮喺社交平台為Joyce嘅fans帶嚟喜訊，佢指自己偶遇到Joyce，並稱對方嘅狀態好好，當時梁文禮仲追問咗Joyce係咪要迎接佢復出呀！

梁文禮於社交平台上表示偶遇到欣宜。梁文禮於社交平台上表示偶遇到欣宜。
Joyce去年3月舉行完演唱會後就一直神隱，期間傳出佢因抑鬱而停工，更有媒體影到Joyce到加拿大拜祭母親沈殿霞時痛哭，隨後其經理人林珊珊表示亦有回覆傳媒，表示：「Joyce的確係病咗，療傷之中。」雖然未有公開露面，不過Joyce喺休息期間都有為迪士尼動畫《星願奇緣》配音，以及為好友許廷鏗嘅《一場同學》MV擔任女主角，亦有網民於街頭偶遇過Joyce，並將二人合照放於社交平台。

欣宜去年開完演唱會後，就一直處於休息狀態。休息期間，欣宜曾為好友許廷鏗嘅《一場同學》MV擔任女主角。休息期間，欣宜曾為好友許廷鏗嘅《一場同學》MV擔任女主角。
而同樣偶遇到Joyce嘅梁文禮，雖然未有post出與對方嘅合照，但就以文字交代二人見面經過，梁文禮喺帖文中表示：「啱啱撞到欣宜！我一手捉住佢，大家即刻攬一嘢🥺佢狀態好好，我即刻問係咪要迎接你復出？佢笑一笑話『俾啲時間我…』OK 唔俾壓力妳，等妳。really miss you💕」唔少網民睇完都同樣表示好掛住Joyce，但亦有網民擔心咁樣公開出post，太多人關注會令未ready好嘅Joyce有壓力。

早前亦有網民野生捕獲休假嘅欣宜。