歡樂滿東華2024｜關禮傑與後輩展開舞王爭霸戰 戴耀明茶餐廳打工體會人間有情

一年一度嘅籌款盛事《歡樂滿東華2024》將於12月7號晚舉行，有份參與演出嘅薛家燕Nancy、關禮傑、羅啟豪Ramon、吳大強、譚輝智同黃奕斌Hugo等一眾藝人現身記招，率先透露表演項目同呼籲善長湧躍捐輸。

關禮傑 薛家燕
多年嚟都為籌款節目出心出力嘅家燕姐，今年又再為大家送上驚喜，邀請到久未在演出嘅譚耀文拍住表演歌舞，仲大讚對方係位歌王。而關禮傑則會夥拍朱晨麗Rebecca、伍富橋Alvin、許家傑Jack等組成舞王爭霸戰。
冼靖峰
早前擔任內地跳舞節目表演嘉賓嘅冼靖峰Archie，獲跳舞導師大讚有天份，而今次籌款活動，佢都會參與多項表演，目前每日都努力排舞，當晚仲可能會有個神秘演出，但Archie話現時未知道項目成功與否，所以不能公開，自己努力嘗試中，只肯透露係跳唱以外技能。
羅浩銘要拉巴士。
羅浩銘Ken今次會同劉穎鏇Tiffany展示力的表現，分別拉郁一架雙層巴士同24座小巴，浩銘拉嘅巴士重達16噸，已經展開練習嘅佢話現時成功率一半一半，如果成功嘅話會加重難度。
戴耀明早前被影到喺茶餐廳打工。
戴耀明早前被影到喺茶餐廳打工感覺撩倒，佢解釋只係同老闆相熟，知道餐廳唔夠人手，所以去幫忙，但係估唔到報道出街後，引起好大迴響，令佢覺得人間有情，好多人向佢伸出同情之手，感受到獅子山下精神，戴耀明亦想帶出永不放棄訊息給大家。