愛•回家之開心速遞丨展開第四度內地宣傳 5對CP赴佛山粉絲

呂慧儀、陳浚霆等一眾演員喺社交平台，開心分享《愛•回家之開心速遞》大家庭喺11月30號到佛山順德舉行「暖冬愛聚會」粉絲見面會片段同靚相。呢次係佢哋繼廣州同深圳之後，第四次到內地宣傳，長腳蟹同風少剪輯嘅短片，紀錄晒佢哋出發到目的地直至夜晚煙花表演畫面。活動會場非常熱鬧，近千粉絲一早逼爆會場。
《愛•回家之開心速遞》去到順德宣傳。
林淑敏 許家傑
佢哋一行十位演員單立文、湯盈盈、袁文傑、滕麗名、張景淳、呂慧儀、許家傑、林淑敏、陳浚霆同古佩玲組成5對CP，喺活動上除咗分享拍攝難忘經歷外，佢哋又解答唔少忠粉嘅提問，之外就分批同現場粉絲玩遊戲兼抽獎送禮物，壓軸環節就大合唱主題曲《這個家》，將現場澎拜氣氛推至高峯，而一眾演員亦舉行簽名會，為數百名熱情粉絲簽名留念。
呂慧儀 張景淳風少展現臂力。

一班演員都玩得非常開心，家鄉喺順德石龍崗村嘅湯盈盈，細個時好鍾意跟父母返順德探親遊玩，今次喺活動中佢好開心遇見多位鄉里粉絲。呂慧儀同張景淳亦驚嘆粉絲非常熱情，猶如感覺像「回家」般！大會為答謝《愛•回家》演員遠道而嚟佛山順德宣傳，喺傍晚活動完畢後，特別安排舉行煙火表演，與廣大市民齊來迎接璀璨繽紛嘅一夜。

滕麗名 袁文傑
單立文 湯盈盈眾人一齊放煙花