StarTalk丨女團MISSY唔介意被嗌181女團 林思彤自嘲身型比隊友略胖

TVB歌唱真人騷《中年好聲音2》五位美女唱將林思彤、王玥、陳俞霏、陳芊芸同陳譽文曾被幕後封為「五大癲后」，日前以女團MISSY正式出道，將喺12月10日假麥花臣場館開騷，呢日佢哋現身TVB娛樂新聞台節目《StarTalk》，接受主播許文軒訪問。

MISSY呢日嚟到《StarTalk》接受 許文軒訪問。

陳俞霏好開心見到MISSY被網民嗌「181女團」，笑言其實係年齡細咗，應該係「183女團」，而陳譽文認為年齡無咩所謂，最緊要係仲可以追夢，呢件事係值得感到驕傲，雖然「中年好聲音」好似一個標籤印咗喺度，佢哋都好想打破女團年齡界限，大家到咗呢個年紀因為經歷過，所以個性豁達同包容。
林思彤陳譽文
林思彤笑指自己身型有別於隊友，皆因每次試衫嗰陣，啲衫都唔啱著，又唔能夠同隊友交換衫著，五女成團後即將要開騷，得知舉行個唱時佢哋都難以置信，陳俞霏覺得最重要大家夠團結，練好啲去開騷，而五女除咗準備音樂會，仲努力修身配合音樂會造型，今次造型以MISSY團色紫色為主。

陳芊芸陳俞霏王玥