LuLu七度主持台北跨年晚會 笑談與拍檔風田緋聞

LuLu黃路梓茵將會第七次擔住台北跨年晚會嘅主持，有機會再會同威廉、風田等人合作，LuLu都覺得特別安心，講到舊年風田曾經向佢表白，唔單止讚佢有女人味，仲講笑話想同佢生返個BB，唔知呢一次兩人再續前緣做主持，會唔會有更進一步發展？LuLu聽完忍唔住大笑，話覺得風田呢個人好難講，因為佢實在太難捉摸，根本唔知佢幾時講真幾時講假，所以如果佢講真，就要考慮一下，至於生返個跨年寶寶？LuLu就即刻回應：「沒有那麼嚴重啦﹗有點太激烈了吧﹗」撇除緋聞，LuLu就大讚風田好好，仲話呢啲夥伴可以開玩笑，然後會有火花。
LuLu呢日出席活動時，回應近日嘅緋聞。
舉行記招呢日，雖然天氣都幾凍，但係LuLu都無懼寒風，以背心紗裙登場，LuLu咁唔怕凍，好大可能係同佢早前去咗芬蘭工作有關呀，LuLu仲話呢次嘅行程，佢試咗喺高溫下做桑拿，做完感覺好熱好熱，之後即刻跳落海游水，嗰刻覺得好痛，好似被老師用棍打咁，然後就覺得好麻好刺痛，但之後就唔怕冷啦，呢個體驗都好特別啊。
LuLu黃路梓茵