直播靈接觸丨夏文汐多次夢見亡母首披露曾患抑鬱症 大方分享「躺平」駐顏術

梁思浩主持嘅節目《直播靈接觸》喺噚晚（2號）播出嘅一集邀請到夏文汐同周美鳳擔任嘉賓，佢哋先後分享咗自己嘅靈異經歷，當中夏文汐亡母報夢一事，令佢首次透露患上情緒病嘅往事，多年前夏文汐多次發夢，夢到亡母提醒:「阿群（夏文汐真名），你要小心!」

夏文汐同周美鳳擔任嘉賓，佢哋先後分享咗自己嘅靈異經歷。
事後夏文汐發現亡母報夢可能提醒佢注意精神健康，當年啱咁因為家庭、愛情、工作上嘅打擊患上抑鬱症，連身邊嘅好友周美鳳都唔清楚呢件往事，大吃一驚兼送上慰問， 夏文汐澄清話依家已痊癒。

多年前夏文汐多次發夢，夢到亡母提醒:「阿群（夏文汐真名），你要小心!」
有兩位女神到訪，當然離唔開被追問駐顏有術嘅方法，夏文汐即傳授佢嘅「躺平」保養法令在場人士為之驚訝，夏文汐自認係懶人，習慣瞓醒唔洗面唔刷牙，等食完早餐或午餐先洗面，笑言儲咗一晚嘅面油有護膚作用，而周美鳳覺得防曬最重要，仲要早睡早起。 

夏文汐即傳授佢嘅「躺平」保養法令在場人士為之驚訝。
關寶慧擔任嘉賓主持崗位嚟到最後一集，思浩就話一切在心中，多謝老友幫忙，關寶慧恭喜思浩入圍今年嘅萬千星輝頒獎典禮最佳男主持同節目入圍最佳綜藝節目獎，思浩亦透過訪問向大家拉票。