劉家昌12.2癌逝安詳走完最後一程 治喪低調進行 創作人生路遺金曲佳作

台灣資深音樂人劉家昌12月2號因癌症病逝，終年81歲，家屬喺3號晚大約10點發聲明證實噩耗。聲明中提到劉老師最後嘅日子，身邊有最親近嘅家人陪伴，平靜安詳離開。雖然理解大家對劉老師嘅掛念，基於對家屬嘅尊重，治喪過程將低調進行，感謝大家體諒。

台灣資深音樂人劉家昌12月2號因癌症病逝，治喪過程將低調進行，感謝大家體諒。
據知劉家昌年初時摸到右邊淋巴有腫塊，經檢查後發現腦同肺部亦有腫瘤，之後喺屋企人勸說下接受化療，而今年七月劉家昌喺微博發文寫到自己嘅心願就係死嘅時候大家可以理直氣壯再唱一次佢創作嘅《我是中國人》，並且貼出一張近照，相中見到劉家昌身形消瘦、面容憔悴，相信當時健康狀況已經唔多理想。

劉家昌創作過無數經典歌曲，包括《往事只能回味》、《誓言》、《諾言》、《在雨中》等。
劉家昌創作過無數經典歌曲，包括《往事只能回味》、《誓言》、《諾言》、《在雨中》等，而鄧麗君、甄妮、劉文正、鳳飛飛、費玉清、尤雅等歌手有唔少受歡迎嘅大熱歌曲，都係出自佢嘅創作。2001年台灣金曲獎亦頒發「特別貢獻獎」表揚佢嘅樂壇成就。佢曾經講過自己天生唔係一個鍾意做幕前嘅人，所以選擇做老師喺幕後，因為覺得輕鬆同無壓力。

劉家昌執導嘅電影超過40部。
2006年6月劉家昌喺紅館舉行一連七場《往事只能回味：劉家昌音樂會》，演出嘉賓陣容鼎盛，包括劉德華、成龍、李克勤、甄妮、陳松伶、蘇永康、陳慧琳、尤雅、鄭嘉穎、陳奕迅同容祖兒等，輪流獻唱劉家昌經典歌曲。劉家昌表示好感動，因為有多位有名頂尖藝人為佢而演出，佢覺得這一生已經足夠。除咗係音樂才子，劉家昌亦係出色嘅電影導演，佢執導嘅電影超過40部，包括林青霞、張艾嘉等都喺佢嘅電影女主角，而佢執導嘅電影亦曾經得到金馬獎。

2006年6月劉家昌喺紅館舉行一連七場《往事只能回味：劉家昌音樂會》，演出嘉賓陣容鼎盛。
劉家昌生前有過兩段婚姻，同第一任妻子江育青育有一子，不過二人嘅婚姻只維持短短四年，劉家昌喺1978年同第二任妻子甄珍再婚，育有一子章立衡，有傳當年劉家昌為追求年僅16歲嘅甄珍，而同江育青離婚，最後甄珍卻選擇嫁比謝賢，不過劉家昌未有放棄，繼續苦追多年，終於等到甄珍同謝賢離婚，二人順理成章修成正果。

劉家昌喺1978年同第二任妻子甄珍再婚，育有一子章立衡。
2007年7月甄珍60歲大壽，劉家昌仲為佢喺香港大派筵席，包括賭王何鴻燊同何太梁安琪、、向華強夫婦、狄龍同甄子丹夫婦等都有盛裝道賀。外間一直以為呢對恩愛夫妻同囝囝章立衡一家三口溫馨和睦，甄珍卻喺2015年自爆同劉家昌早於1987年章立衡一歲時離婚。有傳劉家昌同甄珍兩母子係因錢反目，雙方唔止展開連串罵戰，仲公開互揭瘡疤，曾經嘅才子佳人，最後演變成咁，令人不勝唏噓。