馮德倫笑指拒與陳柏霖合作 慘被劉雅瑟嫌棄講普通話

馮德倫同陳柏霖一齊現身澳門品牌活動，兩人相識多年，但一直未有喺電影上合作，當柏霖提議等Stephen再當導演時合作，Stephen就話唔想同咁靚仔嘅柏霖拍戲，不過Stephen話而家市道唔好，比較難開戲，柏霖就話Stephen唔一定要執導，佢哋兩人一齊演兄弟都可以。

馮德倫同陳柏霖兩位型男現身新店開幕活動
佢有份參演嘅網劇反應不俗，Stephen大讚劇中演員位位都非常專業，當中劉雅瑟仲專登學廣東話演出，佢又分享一件趣事：「有一場戲我要同劉雅瑟講廣東話，跟住要補拍多一個大頭鏡頭時，我就諗住講普通話令佢容易啲入戲，點知佢聽到之後就話『你都係講廣東話』。」佢又講到首次演法醫，感覺好有挑戰性。
Steven笑稱拍攝新作時被劉雅瑟嫌棄

呢日柏霖開口想同Steven合作竟被公開拒絕

柏霖主演嘅電影喺啱啱完結嘅金馬獎中奪得5個獎項，而頒獎禮當晚，柏霖都話有見到吳君如，仲話佢同許光漢喺台上一幕好搞笑，當問到君如失落影后同有人對評審不滿要求「翻案」時，柏霖帶笑話不要問我，不過被問到金馬獎評審機制時，佢話每年評審團同評審口味都唔一樣，所以都覺得係公平。

佢又被問到金馬獎影后「翻案」傳聞