古淖文下月香港開騷答謝古粉 獲得人生中最大新年禮物

古淖文（German）自從喺節目《中年好聲音2》榮獲冠軍寶座後，就好似重啟歌唱事業一樣，近日經常獲邀同戰友衝出香港登台演出，早喺8月時又圓夢喺出生澳門開騷，舉行人生首個演唱會。當時好多古粉關注幾時會喺香港開騷，German終於為粉絲帶來喜訊，宣布明年一月喺香港舉行音樂會。

古淖文宣布明年一月喺香港舉行音樂會。
German心情興奮分享好消息，希望透過今次香港站演唱會去多謝香港以及一班古粉，開騷適逢1月初，German話絕對係佢人生收過最大嘅一份新年禮物，覺得自己好幸福，而2024年對German來講絕對係超額完成嘅一年，佢寄望於2025年可以喺音樂道路上有更多原動力，製作更多好歌報答大家支持同愛護。

German心情興奮分享好消息，希望透過今次香港站演唱會去多謝香港以及一班古粉。
首站澳門展開叫好叫座，為German今次香港站演出打了強心針，佢回憶上次最難忘莫過於出道多年後，可以喺自己出生地開第一次個人演唱會，見證住由零到兩場騷嘅誕生，就好像見證自己嘅BB成長。German認為自己喺《中年好聲音2》得到冠軍後，打開咗人生新一頁，令佢可以繼續開拓更多潛能，為自己人生填上豐富色彩。

German形容呢個佢人生收過最大嘅一份新年禮物，覺得自己好幸福。