沈震軒Busking遇龔燁即邀請合唱 重唱已故陳僖儀金曲淒然落淚

沈震軒 早前參加內地綜藝節目同多位「哥哥」競逐比賽，雖然未能晉級，不過就提醒觀眾Sammy當年其實係參加新秀比賽入行，後來轉戰TVB參與唔同劇集演出，不過Sammy一直保持對音樂嘅濃厚興趣，好似佢豪華寓所就設有唔少樂器，隨時可以彈奏同練歌喇。

Sammy有型又有才華，更有一副強勁Body
Sammy近年同女友 陳欣妍 不時都有影皆雙，又齊齊狂操Fit爆令人羨慕嘅好身材，不過Sammy最近就暫時收起強勁肌肉，為公司喺鬧市嘅店鋪Busking活動又彈又唱，呢日仲遇到當年同期加入TVB嘅 張景淳 ，佢仲被Sammy即時拉住齊齊合唱。
近日Sammy參與公司店鋪舉行嘅Busking，仲拉當年同期張景淳合唱

因為「龔水」CP而非常入屋嘅Stanley，仲非常入戲拎起手機，同大家講話要打返熊家，因為要同Sammy唱歌所以會晏少少先返到屋企食飯咁話。
Stanley仲拎起電話話要打返熊家講聲先

Sammy當年曾簽約唱片公司正式喺樂壇發展，更因而認識佢非常欣賞嘅年青女歌手 陳僖儀 。呢日Sammy亦有演唱Sita當年嘅歌曲，而2013年Sita因車禍離世令外界都非常婉惜，呢日Sammy憶起故友亦非常感觸落淚，未能如常演唱。

Sammy當年同Sita係同公司歌手，可惜對方突然離世

Sita當時發展不俗，可惜因為交通意外26歲魂斷