《愛.回家》成員參與6千人盆菜宴 三太樊亦敏趁機為頒獎禮拉票

《愛.回家之開心速遞》一班演員 樊亦敏 吳偉豪 張景淳 陳浚霆 滕麗名，以及《中聲2》嘅 劉可 等人，呢日齊齊參與一個慈善盆菜宴，同6500名街坊一齊享受美食。

幾位《愛．回家》成員深受大家歡迎，三太仲即席加大家拉票
咁開心熱鬧，難怪《愛．回家》一班演員都咁興奮，陳浚霆仲話大部分街坊都係三太粉絲。既然三太咁受歡迎，咁就梗係要趁機幫自己拉票啦，喺《萬千星輝頒獎典禮》獲得提名嘅三太，今年除咗憑《神耆小子》角逐最佳電視歌曲之外，仲有機會角逐埋最佳女主角，三太都覺得好感恩呀。
Amy姐今年以《神耆小子》同《愛．回家》分別入圍台慶頒獎禮

而同場嘅劉可已經第二年參加呢個活動，呢晚佢除咗為大家獻唱之外，亦同街坊合照留念，踏入年尾，劉可話佢都開始部署下年嘅歌唱計劃，就係籌備緊一隻國語歌及粵語歌，但因為仲有好多細節未傾好，所以希望過完新年可以快啲推出。講到嚟緊嘅聖誕節，劉可就話都會係工作中度過，但係就唔係為咗努力揾銀，而係希望累積多啲舞台演出經驗。

劉可呢日為活動擔任表演嘉賓，佢仲指新國語同粵語歌曲將盡快推出