馬國明獲太太陪開工度結婚周年 湯洛雯感激老公讓幸福變得具體

12月13號係湯洛雯同馬國明呢對恩愛夫婦嘅結婚周年紀念，馬生馬太仍享受甜蜜二人世界，喺結婚一周年呢個重要日子，分享喺網上放閃，馬明就分享兩公婆嘅合照，寫上「工作中渡過，結婚1周年……謝謝老婆陪伴」。

12月13號係湯洛雯同馬國明呢對恩愛夫婦嘅結婚周年紀念。馬明分享兩公婆嘅合照，寫上「工作中渡過，結婚1周年……謝謝老婆陪伴」。
正如馬明之前所講，佢忙梗喺內地拍攝新劇，所以結婚周年都要開工，湯洛雯特意去內地陪馬明一齊簡單食餐飯慶祝！

靚湯就分享咗一年前喺泰國蘇梅島大日子嘅精華片段。
靚湯就分享咗一年前喺泰國蘇梅島大日子嘅精華片段，同大家一齊重溫佢人生中最幸福嘅畫面，以冧歌《Until I Found You》為背景音樂，靚湯亦寫上心底嘅甜言蜜語，「一年前的今天，我們成為了家人。謝謝你讓『幸福』變得這麼具體，一周年快樂」，字裡行間完全感受到馬太嘅幸福。

馬生馬太目前仍享受甜蜜二人世界！