華鼎獎｜佘詩曼王浩信勇奪視帝視后 《新聞女王》同奪劇集導演編劇獎

日前舉行嘅第40屆華鼎獎公佈結果，TVB去年同今年嘅兩部台慶劇，同樣由 鍾樹佳 同 關文深 主理嘅《新聞女王》同《黑色月光》同樣獲得好成績，「Man姐」 佘詩曼 勇奪「全球最佳電視劇女演員」，而 王浩信 就憑「成風」一角成為「全球最佳電視劇男演員」。

佘詩曼再以「Man姐」獲得視后獎

王浩信喺《黑色月光》嘅「成風」一角成為華鼎視帝
播出時大受歡迎嘅《新聞女王》，阿佘早喺年初就喺台慶頒獎禮成為大滿貫視后，之後更一直獲唔同獎項嘉許，日前又獲「亞洲電視大獎」嘅最佳女主角，而幕後製作同樣功不可沒，今次華鼎獎就同時勇奪「全球最佳劇集」、「全球最佳導演」，仲有「全球最佳編劇」三個大獎，成績非常突出，而製作兩部劇集嘅77工作室社交平台小編，仲叫大家要記住繼續留意住《新聞女王2》嘅推出呀。
播出時叫好又叫座嘅《新聞女王》更連贏三個主要獎項

《新聞女王》同《黑色月光》都係由鍾澍佳、關文深主理

至於成為新科華鼎視帝嘅Vincent，就公開現場接受獎項嘅相片，見到佢同劇集監製鍾澍佳、總經理曾志偉、仲有 姜皓文 同場共聚，之後又同到場支持嘅Fans合照，Vincent留言話：「恭喜所有獲獎者，很開心和大家分享這份喜悅！感謝電視劇《黑色月光》台前幕後所有人的投入和努力，讓這部港劇走進更多觀眾的視線，感恩！」

曾志偉、姜皓文、鍾澍佳一齊恭賀Vincent得獎

王浩信