邱鋒澤以廣東話冧歌迷 期待五堅情與Dear Jane合體開騷

台灣歌手邱鋒澤呢日現身沙田舉行簽唱會，獲數百fans到場支持，更有人為霸到好位，清晨就嚟到排隊，喺網上得知消息嘅鋒澤，就話心疼粉絲咁辛苦要一大早就嚟排隊。
邱鋒澤呢日現身沙田舉行簽唱會。
鋒澤喺台上除咗獻唱新歌外， 仲不停用廣東話同fans打招呼，鋒澤直言香港fans對佢好好，大家都相當熱情，所以佢希望可以多啲嚟香港，同時唱多啲廣東歌：「雖然我的粵語真的不太好，但我盡量努力啦。」
邱鋒澤呢日現身沙田舉行簽唱會。
第一次喺香港搞簽唱會嘅鋒澤，笑言自己有啲緊張，因為之前都係以演唱會形式同fans見面，所以咁樣同fans見面真係有少少緊張。講到同歌迷嘅見面會，鋒澤就話會freestyle形式進行，歌迷們想睇佢表演啲咩，佢就表演啲咩，而自己亦會帶埋結他上台。至於問到佢準備咗啲咩聖誕禮物送畀fans？鋒澤就幽默咁表示：「我就是聖誕禮物啊，我是『聖誕年輕人』，不是聖誕老人。」
邱鋒澤
鋒澤在內嘅組合五堅情，明年將會同Dear Jane合體開騷，鋒澤表示佢哋同Dear Jane本身係並唔認識，所以覺得呢個合作會好有趣，同時亦會帶畀觀眾驚喜，至於會唔會喺台上PK？鋒澤就話：「PK一下嘛，但我覺得我們不敢跟Dear Jane比拼，因為他們太厲害了。」
邱鋒澤心疼fans一早嚟排隊。