楊謹華47歲生日派對眾星雲集 熱褲黑絲上陣大跳熱舞自喻荒唐

《影后》台灣女星 楊謹華 日前度過47歲生日，舉行盛大生日Party，邀請大批圈中好友一齊狂歡，謹華著住紅色格仔Bra Top加超短熱褲，搭配性感黑絲大騷長腿，火辣程度同Fit爆身形完全睇唔出47歲。

楊謹華廣邀圈中老友參加佢嘅47歲生日Party
當日眾星雲集堪比小型頒獎禮，近期熱播網劇《影后》嘅拍檔 謝盈萱 詹懷雲 謝瓊煖 曾莞婷 陳庭妮 詹子萱 黃迪揚 薛仕凌同導演嚴藝文等，另外《華燈初上》嘅成員好似林心如、楊祐寧，《不良執念清除師》飾演謹華囝囝嘅曾敬驊，謹華嘅好朋友Ella、柯佳嬿同坤達夫婦、張孝全、夏于喬同林書宇夫婦、許瑋甯、王心凌、張軒睿、劉以豪、春風等都有道賀，直頭可以用星光熠熠形容。
Ella亦都有現身，仲同壽星女齊齊共舞

Party上謹華同「老薛」謝盈萱重現《影后》中嘅經典橋段，大跳《音浪》，而楊祐寧亦技癢，同Ella即場PK舞技，估唔到楊祐寧原來係舞林高手，跳起breaking完全唔輸比專業dancer，連一旁嘅坤達都忍唔住加入戰團，睇到坤達老婆柯佳嬿都忍唔住問老公係咪飲大咗！
《影后》拍檔謝盈萱等都一齊共慶，非常熱鬧

收到咁多朋友嘅祝福，謹華當然好開心啦，佢喺IG就寫到「好好過日子，是我們的養份，酸甜苦辣都去嚐，認真玩，認真工作，認真生活！」仲以「荒唐又可愛」來形容今年嘅生日派對。