音樂公司招募少女目標遙指AKB 公開遴選育成未來香港偶像女團

選秀成團出道嘅模式喺日韓兩地娛樂圈已經係輕鬆平常事，近年更有唔少女團邁向國際成為超級巨星，最近就有音樂公司舉辦「SME Green Idols偶像女生公開遴選」活動，希望選拔15至25歲，個人或團體形式對歌唱、跳舞有潛質嘅人才喇。

呢次「偶像女生公開遴選」活動已正式接受報名，主辦單位希望吸引有歌藝、舞技；來自唔同背景同有不同專長嘅女生參與，活動會透過多輪遴選方式，選出同度身打造一個多元化女生偶像團體。
韓國早年已將選秀同提拔新人系統化

負責人指今次計劃以港版「AKB48」為目標，三個月訓練中主辦單位同網友都將一齊證參加者嘅潛力：「我哋睇長遠，即使佢而家做得未夠好，係唔係等於佢第時唔可以做明日之星？以我印象中，香港係冇唱片公司做過公開遴選，其實日本、韓國都有做，唔係一件咩新奇事，但係我哋好想將呢個形式帶嚟香港。」
遴選負責人指，希望將目標定於日本代表「AKB48」

主辦單位指入圍者將獲免費提供專業培訓，協助成員喺音樂、舞蹈同表演等方面提升自我。希望既能為本地樂壇注入新血，亦同時可以滿足歌迷對偶像嘅期待，更可擴大本地音樂市場嘅多樣性同可持續性。
TWICE各位成員亦係經選秀而出道

「偶像女生公開遴選」嘅入圍者將於遴選期間經營個人社交平台帳戶，直接考驗個人魅力，仲將以like數定去留，同時為招攬攬Fans成為偶像力量核心。樂迷亦可以一齊參與，發掘有潛力女生成為推薦人，擁有獨到眼光嘅推薦人仲有機會成為幕後打造女團嘅一份子，活動將於3月底公佈最終合格取錄者。

近年冒起嘅IVE發展非常成功，張員瑛就曾參加選秀奪冠