是枝裕和翻拍經典劇《宛如阿修羅》廣瀨鈴笑到瘦蒼井優變身眾人風紀

日本知名導演 是枝裕和 將翻拍經典劇集《宛如阿修羅》，新版本將由 廣瀨鈴、宮澤理惠、尾野真千子同蒼井優合作演出，呢四姊妹喺故事中因為父親出軌而經歷家庭巨變，不過四位花旦合體就傾到雞啄唔斷，仲連導演都笑言佢哋未停過呀。

是枝裕和翻拍經典日劇，邀請咗唔同年代嘅四位花旦演出
宮澤理惠亦都直認，同幾位姊妹戲裡戲外都一樣好感情，佢仲話副導演非常通情達理，每次都等佢哋傾夠先開始拍，不過可惜女士話題永遠唔會有完嘅一刻，所以好多時都係蒼井優出聲，幫副導演解圍開工。
三個女人已經一個墟，三加一就更加厲害喇

佢又指拍攝嘅幾個月，自己就好似多咗三姊妹一樣，而蒼井優唔止提大家係時候開工，佢仲負責紀律擔當，至於廣瀨鈴就話每日邊傾邊笑冇得停，唔使減肥都已經有減磅效果，真係笑到有腹肌咁話。

佢哋戲裡戲外都好似姊妹咁Friend