葉子楣進軍大馬開「榴槤酒店」擔任非執董 女強人曾搞餐飲業務慘受疫情衝擊

一代波霸葉子楣最近期積極參與演藝活動，同時跟生意合夥人喺馬來西亞投資酒店業，佢同拍檔早前開咗首間酒店「明星之家」，隔咗短短2個月，葉子楣宣布籌備第2間主題酒店「榴槤酒店」，樂做商界女強人，擔任非執行董事，而新加坡導演梁志強擔任酒店創意總監。 

葉子楣宣布籌備第2間主題酒店「榴槤酒店」，樂做商界女強人。
葉子楣日前去馬來西亞出席「榴槤酒店」簽約儀式，葉子楣指做商界女強人言之尚早，皆因佢喺千禧年有喺香港同澳門投資鮑魚專門店及日式料理等餐飲業務，後嚟SARS影響其生意，惟有忍痛結束。

葉子楣坦言經營酒店比經營餐館更複雜，幸好現時一位股東有呢方面經驗，但葉子楣感覺同對方好投緣。
葉子楣坦言經營酒店比經營餐館更複雜，幸好現時一位股東有呢方面經驗。佢係經過朋友介紹先認識對方，雖然認識時間唔係好長，但葉子楣感覺同對方好投緣：「原本她只是想邀請我做酒店的代言人，但我對只做代言人真的興趣不大，要麼甚麼也不做，要麼便全情投入。現時我是酒店的非執行董事，希望我在演藝界的人脈對酒店營運能派上用場。」 

葉子楣擔任酒店非執行董事，希望佢嘅演藝界人脈對酒店營運能派上用場。
對於「明星之家」酒店開張兩個月便宣布打造第2間酒店，葉子楣稱有「榴槤酒店」呢個想法係因為自己去馬來西亞除咗食最喜歡嘅海鮮外，榴槤就係第二最愛。對於2025年將至，Amy希望一切計劃順利：「無論酒店業或拍戲，希望能遇到一好劇本，讓大家在螢幕上看到一個不一樣的葉子楣。」