古巨基邀合作驚喜炮製新歌 告五人錄粵語版一句歌詞唱逾50次錄至崩潰

古巨基繼去年《I Really Love To Sing》音樂企劃後，事隔一年多，基仔喺2024年尾再帶嚟壓軸驚喜，就係同台灣人氣樂團告五人首度合作，推出全新粵語作品《成長的錯》，雖然告五人被廣東話咬字考起，不斷重覆練習，又要寫獨有嘅拼音，回想錄其中一句歌詞錄足超過50次，粵語版錄咗十幾個鐘，告五人笑指呢首歌係至今錄過最難嘅歌，錄到崩潰！

基仔喺2024年尾再帶嚟壓軸驚喜，就係同台灣人氣樂團告五人首度合作。
今次新歌歌曲由告五人成員雲安作曲、告五人編曲，基仔同舒文聯合監製，歌曲一上架，基仔與告五人因拍攝節目而認識，惺惺相識下相約合作一首國語歌，對於新歌有粵語版，唔少歌迷大叫驚喜，冇諗過告五人會唱廣東歌，原來呢個係基仔提議。

告五人被廣東話咬字考起，不斷重覆練習，又要寫獨有嘅拼音。
基仔得知告五人將喺香港開騷，就叫佢哋不如為香港歌迷送上一個廣東版。告五人二話不說立即叫好，原來告五人三位成員自細十分喜歡睇香港電影，亦期待嘗試廣東歌，於是佢哋一拍即合。

唔少歌迷大叫驚喜，冇諗過告五人會唱廣東歌，原來呢個係基仔提議。
基仔坦言告五人第一次錄粵語歌期間，咬字對告五人嚟講挑戰頗大，但告五人好努力重覆練習，同埋做咗啲獨有嘅拼音，最後出嚟效果好好，告五人回想錄音時最深刻嘅一句「要以詩的韻律 夢的印象 慢慢重敘舊日經過」，雖然非常有意境，同時亦非常難唸，告五人笑言：「我們錄了超過五十次呀～《成長的錯》這粵語歌我們錄了十個小時，是我們至今錄過最難的歌，錄到崩潰～哈哈。」

告五人三位成員自細十分喜歡睇香港電影，亦期待嘗試廣東歌，於是佢哋一拍即合。
基仔對於告五人廣東話標準度給予90幾分，有感告五人對自己要求非常高，告五人亦十分自豪有基仔作為佢哋人生中第一位粵語老師，更大讚對方用心教導，一個個字教佢哋發音同唱法，令佢哋好感動！